ഉയരമെന്നാലതെന്താണമ്മേ?
വാനവും ജ്ഞാനവുമാണതുണ്ണീ.
ആഴമതെന്നാലതെന്താണമ്മേ?
മൊഴിക്കുമാഴിക്കുമാണതുണ്ണീ.
ഭാരമെന്നാലതെന്താണമ്മേ?
മണ്ണിനും മനസ്സിനുമാണതുണ്ണീ.
പൊഴിയുന്നതെല്ലാമെന്താണമ്മേ?
വയസ്സും വാസന്തവുമാണതുണ്ണീ.
സ്നേഹമതെന്നാലതെന്താണമ്മേ?
അമ്മയും ദൈവവുമാണതുണ്ണീ.
Tuesday, October 16, 2007
Subscribe to:
Post Comments (Atom)
26 comments:
ഉയരമെന്നാലതെന്താണമ്മേ?
വാനവും ജ്ഞാനവുമാണതുണ്ണീ.
“എന്താണമ്മേ?“ - ഒരു കുട്ടിക്കവിത പോസ്റ്റുന്നു. ഇതിന്റെ ബാക്കിവരികള് നിങ്ങള്ക്കായി വിട്ടുതരുന്നു.
സസ്നേഹം
സുല്
thenga ente vaka...
chintha plus kuttikavitha..
ദേ കിടക്കുന്നു, തേങ്ങയടിക്കാന് വന്നപ്പൊള് മനു അതും കൊണ്ടു പോയി.
സുല്ലേ. നല്ല്ല കുട്ടിക്കവിത.
ഇങ്ങനെ എന്നെപ്പോലെയുള്ള കുട്ടികള്ക്കു മനസ്സിലാവുന്ന കവിതകള് എഴുതൂ (റോഡ് !!)
ഭാവുകങ്ങള്!!
"
സ്നേഹമതെന്നാലതെന്താണമ്മേ?
അമ്മയും ദൈവവുമാണതുണ്ണീ."
:)
നല്ല കവിത,സുല്ലും കളം മാറി ചവിട്ടിയോ
നന്നായിരിക്കുന്നു
സ്നേഹമെന്നാലതെന്താണമ്മേ
അച്ഛനുമമ്മയും, ദൈവവും, പിന്നെ നീയുമാണതുണ്ണീ :)
നന്നായിട്ടുണ്ട്...
സുല്ലേ ഇത് എത്ര വയസ്സുള്ള കുട്ടിക്കവിതയാ... ? :)
സുല് ജി ... നല്ല കുട്ടിക്കവിത...
:)
സുല്ലേ, നല്ല കുഞ്ഞു കവിത.:)
ജീവിതമെന്നാലെന്താണമ്മേ?
നേരിട്ടറിയൂ പൊന്നുണ്ണീ.
രണ്ടു വരി എഴുതാനായി കുറെ നേരം കൊണ്ടിരിക്കുകയാ സുല്ലെ.. സുല്ലിട്ടു..:)
നല്ല കവിത..
വളരെ അര്ത്ഥവത്തായ കുട്ടിക്കവിത.
ആശംസകള്...
വായിക്കാന് രസമുള്ള കുട്ടിക്കവിത.
കുഞ്ഞുണ്ണിമാഷിനൊരു പിന്ഗാമി.
‘തെറ്റീ നിനക്കുണ്ണീ’ എന്ന് പണ്ടൊരമ്മ പറഞ്ഞെങ്കിലും തെറ്റിയത് അമ്മയ്ക്കായിരുന്നു എന്നിപ്പോള് വായിച്ചതേയുള്ളൂ...അമ്മമാരുടെ ഉപദേശം ഉണ്ണിയോടല്ല, തന്നോടു തന്നെയല്ലേ..
കവിത വിളയുന്നു
ഭാഗ്യവാന് ഉണ്ണി! നല്ല കവിത!
"സ്നേഹമതെന്നാലതെന്താണമ്മേ?
അമ്മയും ദൈവവുമാണതുണ്ണീ".
നല്ല വരികള്..
അക്ഷരമെന്നാലതെന്താണമ്മേ?
അറിവും അഗ്നിയുമാണതുണ്ണീ
അച്ഛനതെന്നാലതെന്താണമ്മേ?
താങ്ങും തണലുമതാണുണ്ണീ.
ക്ഷമി സുല്ലേ.. ചുമ്മാ .. :)
വളരെ നന്നായി കുട്ടിക്കവിത.
വിരഹമെന്നാലെന്താണമ്മേ?
പ്രവാസിയും വീടുമാണുണ്ണി.
വളരെ നന്നായിരിക്കുന്നു സുല്!
സുല്ലെ,
ഈ വരികള് കണ്ടപ്പോള്, പണ്ടെന്നോ വായിച്ച മഹാകവി അക്കിത്തത്തിന്റെ വരികള് ഓര്ത്തു..
"ആനന്ദ ദുന്ദുഭിയ്ക്കര്ത്ഥമെന്തമ്മേ,
ആനയ്ക്ക് കുഞ്ഞിക്കണ്ണായതെന്തമ്മേ.."
(ഓര്മ്മയില് നിന്നായതുകൊണ്ട് തെറ്റുണ്ടോന്നറിയില്ല..)
സുല്ലേ നല്ല കവിത. അര്ത്ഥവ്വത്തായ വരികള്. നിഷ്കളങ്കന്റെ വരികളും കേമം തന്നെ.
സുല്ലേ, സൂപ്പര്ബ് കവിത...:)
Oru upanishad feel. Very nice.
sneham
Sarmaji
നന്നായി..
അഭിനന്ദനങ്ങള്...
"സ്നേഹമതെന്നാലതെന്താണമ്മേ?
അമ്മയും ദൈവവുമാണതുണ്ണീ".
നല്ല കവിത :)
Post a Comment